Beskrywing

Hierdie klein boekie propvol verleidelike resepte kan jy nader trek wanneer jy ook al ’n indrukwekkende soet skepping wil maak of jou gesin met iets soets wil bederf. Beproef die brosbroodhartjies gevul met roomkaas en konfyt, rosige makrolletjies, mini-kaaskoekies en deftige maar maklike rooiwynpeer-tertjies. Daar is ook resepte vir ongebakte bederfies soos Turkselekker-roomys en Cremora-tert met ’n kinkel. En dan is daar ’n afdeling met die heerlikste koeke en warm nageregte. Jou gaste sal jou smeek om die resepte met hulle te deel!